*Mukashifatul quloob* *Zina aur Sood ka aam hojana Azab e Ilahi ko dawat deta hai :-*
Haakim ne sanad e sahih ke saath Hazrat e Abbas radi Allah anhu se riwayat ki hai ke Huzoor ﷺ ne phalo’n ko bada hone se pehle bechne se mana farmaya hai aur farmaya jab kisi shaher mein zina aur sood aam hojaye tow inhone goya khud hi Allah ke Azab ko dawat dedi hai. Abu Ya’la ne sanad jayid ke saath Hazrat e Ibn Masood radi Allah anhuma se riwayat ki hai inhone Huzoor ﷺ ki hadees bayan karte hue farmaya ke kisi qowm ka zina aur sood khori zahir nahi hote magar woh log Azab e Ilahi ko apne liye halal karlete hain(yani jo qowm zina aur sood khori mein mubtela hai usne goya Azab e Ilahi ko dawat di hai.)
Ahmed ne ye hadees naqal ki hai, aisi koi qowm nahi jis mein sood chal nikle magar woh qahetsali mein mubtila ki jati hai aur jis qowm mein zina ki kasrat hojati hai, Allah tala usey khof aur qahet aam mein mubtila kardeta hai chahe barish hi kyun na hojaye.