Eid ul Fitr Ki Sunnatain Aur Ahkam

1. Namaz e Eid ul Fitra Se Pehle Sadqa e Fitr ada karna
2. Nakhun Tarashna (Katna)
3. Hajamat Banwana. [Cutting Karwana] (Shariat ke mutabik karwana)
4. Miswak Karna
5. Gusl Karna
6. Achcha Libas (Kapde/Clothes) Pahenna, (Naye (New) Kapde Pahenna Zaruri Nahi)
7. Khushboo lagana (Itr lagaye Alcohol wale Spray na lagaye)
8. Angoothi Pahenna. (Ek Chandi Ki Angoothi Jo 4.5 Mash Se kam (Less) Ho Ek Nagine Ke Sath)
9. Namaz e Fajr Masjide Mohalla Main Padhna.
10. Namaz e Eid ul Fitr se pehle Taak (3,5 ya 7 ya kamo besh) khazoore khana.
11. Namaz e Eid ul Fitr Ke Liye Eidgah Jana
12. Eidgah Paidal Jana
13. Sawari Par Bhi Jane Me Harz Nahi Magar Jisko Paidal Jane Par Kudrat Ho Uske Liye Paidal Jana Afzal He aur Wapsi Me Sawari Par Aane Me Harz Nahi.
14. Namaz-E-Eid Eidgah me ada karna
15. Namaz-E-Eid Ke Liye Ek Raste Se Jana aur Dusre Raste Se Wapas Aana.
16. Eidgah ke liye Itminano Wakar aur Nichi Nigah Kiye Jana
17. Ghar Se Eidgah Jate Waqt Takbirat Kehna (Padhna). [Takbirat Niche Likhi Hui He]
18. Bad Namaze Eid Musafah aur Mu’aanaqa Karna
19. Aapas me Mubarakbad dena
20. Khushi Jahir karna
21. Kasrat se Sadqa Dena

TAKBIRAT :

 ALLAHU AKBAR, ALLAHU AKBAR, LA ILAHA ILLALLAHU WALLAHU AKBAR, ALLAHU AKBAR WALILLAHIL HAMD.

Table of Contents

Toggle

Eid ul Fitr Ke Mutallik (Regarding) Chand Hadees :

• Tajdare Madina Surure Kalbo Sina Nabiyo Ke Sardar Bibi Aamina Ke Lal Hazrat Abdullah ke Lakhte Jigar hum bekaso Ke Aaqa Janab e Hazrat Muhammad Mustufa Sallalahu Alayhi Wasallam ka irshad he “Jisne Eiden ki Rat yani Shabe Eid ul Fitr aur Shabe Eid ul Adha sawab ke liye Kayam kiya. Us din uska Dil nahi marega, Jis din logo ke Dil mar jayenge.
  – Ibne Maja

• Eid Ka Tohfa : Huzoor-E-Akram Swallalaho Alayhi Wasallam irshad farmate he, “Jo shaks Eid ke din 300 Martaba Subhanallahi Wabihamdihi padhe aur faut shuda musalmano ki arwah ko iska sawab hadiya kare to har musalman ki kabar me 1000 anwar dakhil hote he aur Jab wo padhnewala khud marega, ALLAH TA’ALA uski kabar me bhi 1000 anwar dakhil farmayega
  – Mukashifat ul Quloob

• Hazrat e Muaaz bin Jabal Radiallahu Anhu Se Marwi He, Jo 5 rato me Shabbedari kare uske liye Jannat wajib ho jati he..
  * Zil hajj Sharif ki 8,9,10 tarikh
  * Eid ul fitr ki Rat
  * Shabaan ul Muazzam ki 15vi rat yani shabe baraat
  – Isbhani