*Mukashifatul quloob*
Janab e Abbas radi Allah tala anhu ka qowl hai….
Janab e Abbas radi Allah tala anhu ka qowl hai ke jab tu do soncho’n mein ghirr jaye tow jo sonch tujhe zyadah pasand ho usey chord de aur jo napasand ho usey pasand karle, uski wajah ye hai ke mamuli kaam asani se hojayega, usme mehnat mashaqat nahi karni padti, kisi se taawu’n ki darkhawst nahi karni padhti, isliye nafs e insaani iske karne ka hukm deta hai, usi ki taraf usey uksata hai magar mushkil kaam mushkil hi se sar anjaam diya jata, takleef uthani padhti hai, koi taawu’n nahi karta, khud badi mushkil se insaan usey pura karta hai isliye nafs e insaani usey karne mein pus o pesh karta hai aur mehnat o mashakkat ko bura samajhta hai(pus tujhe yehi kaam ikhtiyar karna chahiye.)